Kommunalt oppgåvefellesskap
Kommunearkivordninga i Vestland KO er eit sjølvstendig rettssubjekt og samarbeidet er heimla i kommunelova.[i]
Føremålet til samarbeidet er å leggje tilhøva til rette for at arkiva til deltakarane vert handtert, tekne vare på og formidla i samsvar med arkivlova sine føremål og føresegner. Samarbeidet yter depottenester for deltakarane sine papirbaserte og elektroniske arkiv, og tilbyr deltakarane tenester, i all hovudsak ordnings- og digitaliseringstenester. Samarbeidet skal sørgje for at arkiva til deltakarane vert gjorde tilgjengelege for offentleg bruk, forsking og andre administrative og kulturelle føremål.
Deltakarar
- Askvoll kommune
- Aurland kommune
- Bremanger kommune
- Fjaler kommune
- Gloppen kommune
- Gulen kommune
- Hyllestad kommune
- Høyanger kommune
- Kinn kommune
- Luster kommune
- Lærdal kommune
- Stad kommune
- Sogndal kommune
- Solund kommune
- Sunnfjord kommune
- Stryn kommune
- Vik kommune
- Årdal kommune
- Vestland fylkeskommune
Representantskap
Representantskapet er øvste myndigheit i samarbeidet. Alle deltakarane er representert her. Det skal haldast årsmøte i representantskapet innan utgangen av april, og elles ved behov.
Styret
Styret for samarbeidet er valt av representantskapet. Desse vart valde for 2 år på representantskapsmøtet 29. mars 2023:
Styremedlemmar:
- Geir Liavåg Strand, Gloppen kommune (styreleiar)
- Lise Mari Haugen, Sunnfjord kommune (nestleiar)
- Linda A. Myhre Larsen, Kinn kommune
- Liv Janne Steig, Luster kommune
- Styrekandidat frå Vestland fylkeskommune
Varamedlemmar (i prioritert rekkefølgje):
- Reidun Sørestrand Hågvar, Sogndal
- Irene Sivertsen, Kinn kommune
- Solveig Masdal Haugsvær, Sunnfjord kommune
Kontor og tilsette
Vestland fylkeskommune er vertskommune, og kommunearkivordninga er organisert som ei av to fageiningar i seksjon arkiv, i avdeling for kultur, idrett og inkludering. Vestland fylkeskommune har arbeidsgjevaransvar for til dei tilsette. Vi er samlokalisert med resten av fylkesarkivet, organisert som seksjon arkiv i fylkeskommunen. Vi har kontor, ordningsrom, digitaliseringsstasjonar, møterom og depot på fylkeshuset på Leikanger, i Sogndal kommune.
Seksjonssjef for arkiv i Vestland fylkeskommune, Arnt Ola Fidjestøl, er dagleg leiar for samarbeidet. Kommunearkivordninga har i tillegg til dette per 1.1.2023 9 fast tilsette i 100 % stilling: 1 fagleiar, 5 rådgjevarar og 3 arkivmedarbeidarar.
Grunnlagsdokument:
[i] Lov om kommuner og fylkeskommuner (kommunelova) kapittel 19, §19-1-§19-4. Digital utgåve på lovdata.no.